Wedi'i ffeilio o dan: Heb Gategori | Tagiau: beic tair olwyn, blodeuo, cennin pedr, chwaer, chwarae teg, dyffryn nantlle, feic, ffilmio, honesty, nith, pesgi, Rehoboth, uchelseinydd
Dwi wedi gwneud diwrnod o ffilmio o’r diwedd! Ddydd Gwener oedd hi, ym Mhenygroes, ac yn ardal Dyffryn Nantlle y bydd 6 rhaglen o’r gyfres nesa o Byw yn yr Ardd, sef y rhaglenni y bydda i a Russell yn eu gwneud. Mi wna i egluro pam mewn blog arall, ond yn y bôn, ceisio perswadio, annog a helpu pobl yr ardal i dyfu eu bwyd eu hunain fyddwn ni.
Mynd o gwmpas y dre yn cnocio drysau i weld pwy fyddai â diddordeb oedden ni. Yn anffodus, chydig iawn o bobl Penygroes oedd adre ar ddydd Gwener … ond mi ddaethon ni o hyd i rai, peidiwch a phoeni!
Ac os oeddech chi’n pasio drwy Benygroes ddydd Gwener, mae’n bosib y byddwch chi wedi gweld Russ ar feic tair olwyn a finnau’n eistedd yn gweiddi/gwichian/gwingo ar y cefn. Mi rois i gynnig ar bedlo’r beic hefyd, ond iechyd, roedd angen ymarfer. Dydi o’m byd tebyg i feic dwy olwyn a do’n i jest methu gneud i’r blwmin peth droi i’r chwith. Ond mae Russ wedi bod yn ymarfer ac yn mynd rêl boi arno. Chwarae teg, dim ond 3 gêr sydd ar y peth!
Wele lun ohonon ni ar ganol ffilmio – o, ac oedd, roedd gen i fegaffôn/uchelseinydd/ be bynnag dach chi’n eu galw nhw. Gewch chi weld pam pan gaiff y gyfres ei darlledu fis Medi.
Nefi, dwi newydd sylweddoli mod i wedi pesgi. Bydd raid torri’r carbs eto mwn. Ho hym.
A dyma i chi luniau o ngardd i heddiw:
Yr Honesty wedi tyfu dros nos, rhyw gennin pedr hwyr nad oes gen i syniad pam eu bod nhw gymaint hwyrach na’r lleill, a’r un ola ma – dim clem be di’r enw ond mae’n tyfu o wreiddiau mawr tew, digon hyll, yn cael blodau sydd fel madarch i gychwyn, wedyn yn blodeuo’n fawr ac yn binc a phan ddaw’r dail, mae’r rheiny bron fel riwbob. Rois i gwpwl o ddarnau o’r gwreiddiau i ferched Rehoboth. Difyr fyddai cael gwybod ymhen blwyddyn neu ddwy sut siap sydd arnyn nhw. Mynd i fynd a peth i fy chwaer a fy nith heddiw. Mae gan y nith ddwylo gwyrdd. Ddim yn siwr am y chwaer eto – dyddie cynnar …
Wedi'i ffeilio o dan: Heb Gategori | Tagiau: bling, camelia, clust-dlws, cricmala, cwch, diarth, Ground elder, gwenyn, gwenynen fach hapus, hen gyllyll, llygoden, llysiau'r Gymalwst, Rhufeiniaid, Roundup, snichyn, sparkplug, styfnig, trist, wenci
Argol, mae isio gras efo hwn! Mi wnes i gadw drafft o hanner y blog yma amser cinio. Mynd yn ôl ato heno i’w orffen – a dim ond un llun oedd wedi ei gadw fel drafft – a dim geiriau! Felly bydd raid gneud y cyfan eto. Dim rhyfedd bod gen i wallt gwyn.
Iawn … co ni off ‘to … llun trist i gychwyn. Nes i sôn mod i wedi mynd a’r cwch wan oedd yn cael ei bwlio i Ddolgamedd yndo? Wel, yn anffodus, aeth na lygoden neu wenci neu rywbeth i mewn i’r cwch a chwalu’r fframiau i gyd a bwyta pob gronyn o fêl.
Mae’n rhaid bod y tyllau anferthol wedi golygu na allai’r gwenyn gadw’n gynnes – heb sôn am fwydo ( er fod gen i ddiod siwgr yn y top iddyn nhw na lwyddodd y snichyn diarth fynd ato) a phan agorais i’r cwch, roedd y cyfan wedi marw. Nid fod ‘na lawer ohonyn nhw ar ôl, bechod. Ond mae eto haul ar fryn – mae hyn yn golygu rwan bod gen i gwch wag yn barod ar gyfer niwc newydd os gai frenhines newydd go gry. Gawn ni weld.
Mae’r ddwy gwch arall i’w gweld yn gneud reit dda, er fod rhyw wenyn diarth yn ymosod ar yr un ‘flin’ dridiau’n ôl. Y rhai o Loegr sydd mewn 4 neu 5 cwch i lawr y ffordd ers llynedd tybed? Dwn i’m. Ond dwi reit falch bod rhain yn wenyn blin neith ddim cymryd unrhyw lol rwan!
Bechod na fyddai Chwiorydd Rehoboth wedi dod wythnos neu hyd yn oed bythefnos yn ddiweddarach na wnaethon nhw. Ar ôl y glaw, mae hi wedi altro’n arw yma – mae na liw yn yr ardd eto!
Mae’r dagrau Solomon wedi neidio allan o nunlle fel rhyw nadroedd:
Ond yn anffodus, mae’r chwyn yn tyfu hefyd a dwi wedi bod yn chwynnu, bobol bach. Ond ges i siom o weld fod hwn yn ei ôl:
Ground elder neu llysiau’r Gymalwst, sy’n un styfnig ar y naw. Roedd o’n bla yma rhyw ddeng mlynedd yn ôl, ond diolch i Roundup (gofalus) ro’n i’n meddwl mod i wedi cael gwared o’r crinc am byth. Ddim cweit … mae angen craffu am y peth dragwyddol. Maen nhw’n deud mai’r Rhufeiniaid ddaeth a fo yma oherwydd ei fod yn dda at gricmala ( egluro’r enw Cymraeg, debyg) ond nes cai brawf o hynny, mae o’n ‘gonar.’
Chydig o bling yr ardd rwan. Be iw neud efo clust-dlws sydd wedi malu? Wel ei osod ymysg y blodau ynde. Be dach chi’n feddwl? A sbiwch fe fedrwch chi neud efo sparkplug a chwpwl o hen gyllyll:
Ond er fod un goeden camelia yn llawn blodau rwan, dydi hon ddim. Un blodyn bach sy na – wedi’i guddio reit yn y gwaelod:
Unrhyw un yn gwybod pam? Y tywydd oer tybed?
Iawn, mwy o luniau amrywiol a dyna ni, cyhoeddi hwn cyn i’r cwbl ddiflannu eto.
Ac un wenynen fach hapus i orffen:
Wedi'i ffeilio o dan: Heb Gategori | Tagiau: Cymdeithas Chwiorydd Rehoboth
Daeth y merched ( ac un dyn yn eu mysg) a chafwyd pnawn bach hyfryd yn eu harwain o gwmpas yr ardd. Roedden nhw wrth eu boddau!
A rwan dwi isio llwytho llun arall ond does na’m opsiwn i mi wneud hynny – dim ond newid hwn am un arall. Grrr …Dyma ni, ar ôl mynd rownd y byd:
Del wedi cael ffrind newydd. Roedd hi wedi gwirioni efo’r holl sylw.
A’r criw i gyd. Doedd y diffyg blodau ddim wedi eu siomi – does gen i ddigon o bethau eraill i’w gweld yma? A llwythi o adar wrth gwrs. Diaw … ella wnai hyn yn amlach rwan. Ond do’n i ddim yn gwneud te i neb – mynd i dre i Gaffi TH oedden nhw wedyn – cacenni hyfryd yn fanno. Dwi’n gneud cacenni hyfryd hefyd wrth gwrs – ond dwi’n rhy brysur ar hyn o bryd! Ond dyma lun i chi o gacen wirioneddol flasus wnes i wythnos dwytha. Iym. Drapia, methu llwytho’r llun hwnnw. AAAA! Ers pryd mae technoleg yn gneud bywyd yn haws?!
Wedi'i ffeilio o dan: Heb Gategori
A dyma ni. Dwi’n disgwyl ymweliad â’r ardd unrhyw funud. Am ryw reswm na allaf ei ddeall, roedd Cymdeithas Chwiorydd Capel Rehoboth ( Talybont ger Aber dwi’n meddwl) isio cynnwys fy ngardd i yn eu trip i Feirionnydd. Roedd o’n swnio’n beth eitha call fisoedd yn ôl – byddai’r ardd yn syrcas o liw fis Ebrill. Ond diolch i’r rhew a’r eira, tydi o ddim rwan nacdi.
Mae hi’n foel a sych a brown iawn yma. Dwi wedi bod yn chwynnu a thacluso ac mae’n edrych yn well nag oedd o. Ond gardd ar gyfer llond bws mini a char?! Dwi’n amau … o hec … mae rhywun wedi cyrraedd – hwyl tan toc.
Wedi'i ffeilio o dan: Heb Gategori | Tagiau: anemones, atgoffa, Bellis, Blin, briallu, BYYA, cadw, cennin pedr, coeden, disgyn, gwanwyn, ieir, lliwiau, Llyfrgell Caernarfon, pedr, Russell, zebra stripes
Dwi’n dal i drio dalllt y ffordd newydd o osod blog yn y bali system newydd ma. Ee. Dwi’n teipio rwan a methu gweld be dwi’n deipio. Beth sydd wedi digwydd?!? Ac wedyn do’n i methu teipio o gwbl. Hm. Ai bod yn sinigaidd ydw i yn amau falle eu bod nhw’n trio gneud i mi uwchraddio – hy talu, er mwyn gwneud y blogio’n haws?
ond mae pethau i’w gweld yn gweithio rwan, heblaw am ddiffyg llythyren fawr ar ddechrau’r frawddeg na … Grr. Iawn, driwn ni lun rwan ta:
oce, nid hwnna oedd i fod fanna, ond dyna ni. Enillais i hwnna mewn raffl ond dio’m yn ffitio i mewn i unrhyw bot sy gen i. 
Dwi’n trio sgwennu mwy ond yn gorfod mynd rownd y byd i neud hynny. Nai chwythu gasket ar y ret yma! Iawn, llun fanna o’r ardd fel mae hi heddiw – dim eira sylwch, mond ar y bryniau. Fel gwanwyn go iawn fan hyn. Ambell wenynen allan hyd yn oed. Iawn, mi fentrai roi llun arall…
dim clem os weithiodd hynna, ond nai ddal ati i deipio yn y gobaith mai llun o fy mriallu newydd zebra stripes ydi o. Del de? A llonydd gan y malwod hyd yma.
A dyma fwy o mlodau bach newydd i. Bellis os cofia i’n iawn , math o lygad y dydd crand.
Hei! Mae’n gwella ma! Gobeithio mai llun o ddifrod llygod ydi hwn. Nid yn glir, ond y diawlied bach wedi chwalu fy ngwely grug i a gadael darnau cwbl foel.
Ymgais i osod blodau gwanwynol yn y darn gwag, hyll ydi hynna. Chydig o gennin pedr oedd yn diodde yn y wal gafodd ei chwalu yn y fynedfa, am fod angen lliw rwan yn y gwely fydd yn for o anemones nes mlaen. Ew, job ydi cadw’r lliwiau i fynd drwy’r tymhorau. Unrhyw syniadau be arall fedrai ei roi yna? Heb wario ffortiwn? Mae BYYA wedi mynd yn fwy o bres poced na chyflog i ni felly dim dosh, gyfeillion! O, ac os ydw i wedi dallt yn iawn, dim ond fis Medi welwch chi ni eleni. Dim rhaglen garddio dros yr haf. Nid yn 2013 o leia.
A dyma i chi goeden sydd wedi disgyn dros y wal i mewn i ngardd i. Sy’n fatgoffa – angen ffonio’r ffarmwr i adael iddo fo wybod. A gan fod blogio hwn di cymryd oes a dwi di cael llond bol a dim mynedd llwytho mwy o’r lluniau, ta ta am y tro. Blin? Moi?! O, ia, mi fydd Russell yn Llyfrgell Cfon Ebrill 13, 10.30. Mond isio deud hynny o’n i’n lle cynta pan ddechreues i’r blog ma! Felly ewch i wrando arno fo – yn siarad am ieir, garantid …
Wedi'i ffeilio o dan: Heb Gategori
O, y trafferthion o gadw blog! Gan fod WordPress yn mynnu mod i angen uwchraddio fy nghyfrifiadur, a’r cyfrifiadur yn rhy hen i’w uwchraddio, dwi wedi prynu Mac newydd – ers misoedd. Dyma fi’n sgwennu arno rwan: drapia – ro’n i’n meddwl bod na opsiwn i gynnwys llun rwan ( fel oedd na ar yr hen fersiwn o WordPress) a welai run rwan. Grrr.
Ta waeth. mi wnes i ei brynu ar frys, a methu cofio’r cyfrinair am oes. Wedi llwyddo i fynd mewn iddo ddoe – a dwi’n sylweddoli nad oes gen i syniad mwnci lle rois i’r CD Windows ayyb. Argol, mae isio gras. Ydw, dwi’n gallu mynd ar y we yn llawer cynt ond fedrai’m sgwennu! A dwi’n dal ddim yn dallt WordPress ar ei newydd wedd!
Iawn, wedi gorfod rhoi’r llun mewn post ar wahan. Isio gras. Ond diaw – newydd lwyddo i’w roi ar dop hwn rwan. Fffff.
Beth bynnag, pan fyddai wedi dallt hwn, ac wedi do yn ôl o Wyl Llen Plant Caerdydd. gewch chi flog call.
Ond am y tro, stwffio fo!
