BLOG GARDDIO BETHAN GWANAS


Y ffilmio
Hydref 19, 2013, 10:53 pm
Filed under: Heb Gategori | Tagiau: , , , , , , , , , ,

Meddwl y byswn i’n rhannu chydig mwy o luniau o’r ffilmio efo chi, ond yn gynta, dyma un o fy ngardd i – llun o blanhigyn sydd wedi cymryd ei amser i flodeuo a deud y lleia. Mae begonias i fod allan cyn rwan, siawns!
Ond mae o’n ddel, ac yn werth aros amdano fo, mwn.
image
A rwan dyma luniau amrywiol o’r cyfnod ffilmio. Ia, fi ydi honna, yn y siop yn gwerthu llysiau. Mi gewch chi hanes y diwrnod hwnnw yn y rhaglen olaf un, fydd mewn mis. Gan fod 2 raglen wedi bod ac felly 4 arall i fynd. Dwi’n gallu bod reit dda am wneud syms weithie. Os ydyn nhw’n syml. Ac roedd yn rhaid gwneud syms yn y siop. A dydi Russ fawr gwell na fi am syms a bod yn onest.
image
Craig ab Iago sy’n cario’r arwydd yna. Dwi’n meddwl y dyle bo nhw wedi ffilmio hynna. Swreal oedd y gair ddoth i fy meddwl i. Ac roedd pobol Penygroes yn sbio’n wirion arno fo. Dach chi’n eu beio nhw?
image

image
Lluniau madarch rwan. Wedi bod yn hymdingar o flwyddyn am fadarch tydi? Ac mae hwn yn uffernol o wenwynig – the destroying angel. Cliw reit dda yn yr enw deud gwir does? Dim clem os oes na enw Cymraeg eisoes ond Angel Angau’n swnio reit dda i mi.
image
Un arall gwenwynig – Devil’s Bolete. Bol y diafol? Diawl o fol? Pulpud y diafol? Ond coblyn o fadarch hardd beth bynnag.
image
A dyma lun ohona i heddiw. Fues i yn Bermo efo fy nith a’i mab hi, Mabon – fy ngor-nai. A nes i brynu sbectol ddarllen, achos dwi’m yn gallu darllen labeli bellach. Ddim ar labeli sut i olchi dillad, ddim ar duniau, ddim ar boteli shampw… Trist iawn. Ond chwip o sbectol am £2.99.
image
Gyda llaw, rydan ni’n cael ymateb reit dda i’r gyfres hyd yma, er nad ydi pawb yn hapus yn ol y rhifyn dwytha o Golwg. O wel, methu plesio pawb… Ond yn fy marn i, mae pob sylw yn werthfawr ac yn ein helpu i wella. Ac mae unrhyw fath o sylw yn well na dim tydi!
Hwyl am y tro.


Rhowch sylw so far
Rho sylw



Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s



%d bloggers like this: